'స రి గ మ ప తెలుగు' బుల్లితెర మీద ఎంతగా ఫేమస్ అయ్యిందో అందరికీ తెలిసిన విషయమే. ఇక త్వరలో సరికొత్త సీజన్ తో మళ్ళీ మన ముందుకు రాబోతోంది. ఈ కొత్త సీజన్ కి 'స రి గ మ ప ఛాంపియన్‌షిప్' అని పేరు పెట్టారు. ఈ షోకి సంబంధించిన థీమ్ సాంగ్ ని రిలీజ్ చేశారు మేకర్స్. కొత్త సీజన్ జనవరి నెలాఖరు నుంచి ప్రసారం అయ్యే అవకాశం ఉందని తెలుస్తోంది. ఈ షోని ప్ర‌దీప్ మాచిరాజు హోస్ట్ చేయ‌నున్నారు.

ఇక జడ్జెస్ గా అనంత శ్రీరామ్, ఎస్పీ శైలజ, మనో ఈ ఛాంపియన్ షిప్  సీజన్ లో కనిపించబోతున్నారు. "ప్రతిభకు జయాపజయాలతో పని లేదు. ఓటమి గమనాన్ని ఆపలేదు. విజయం గమ్యం కాదు...సంగీతం ఒక మహా సముద్రం..సంగీత సాగరంలో సరిగమల మధ్య సమరం మళ్ళీ ఆరంభం" అనే ఇంట్రోతో ఈ షో ప్రోమో రిలీజ్ అయ్యింది. ఈ పేరులోనే తెలిసిపోతోంది ..ఈ సీజన్ స్పెషలిటీ ఏమిటి అనేది. మధురమైన  స్వరాలతో, ఆహ్లాదకరమైన గానాలతో, మైమరపించే పాటలతో చివరి 4 సీజన్స్ లో గెలిచిన విన్నర్స్ మధ్య సరిగమల సమరంతో మీ ముందుకి వచ్చేస్తుంది సరిగమప ఛాంపియన్ షిప్.  

ఇక ఈ షోలో  మెంటార్స్ గా శ్రీకృష్ణ, సాకేత్ కొమండూరి, రమ్య బెహరా, అరుణ్ కౌండిన్య  కనిపించబోతున్నారు.